Deklarata e praktikës së regjistrimit

1. Fusha

Vlen për çdo entitet me mdrpi:RegistrationInfo dhe registrationAuthority https://md.kren-ks.eu. Entitetet e federatave të tjera, të marra përmes eduGAIN, janë jashtë fushës.

2. Anëtarët

KREN verifikon që institucioni ekziston, është i pranueshëm sipas politikës dhe që nënshkruesi e përfaqëson. Anëtari cakton përfaqësues të autorizuar dhe kontaktet teknike, të mbështetjes dhe të sigurisë; KREN i verifikon me email.

3. Regjistrimi

• Kërkesat pranohen vetëm nga përfaqësues të autorizuar, me tiketë në tiketa.kren-ks.eu.
• entityID: URL absolute https:// në domain të anëtarit (ose urn: nën hapësirën e tij); nuk ri-caktohet.
• Scope: domain DNS i anëtarit, regexp="false", i verifikuar përmes Entra ID ose një rekordi DNS TXT. Çdo Scope dhe kategori entiteti miratohet shprehimisht nga KREN.
• Kontrollohen: skema, HTTPS, çelësa RSA ≥ 2048 bit, Organization dhe kontaktet në anglisht, mdui (për SP edhe PrivacyStatementURL).
• registrationInstant vendoset në publikimin e parë dhe nuk ndryshon.

4. Ndryshimet dhe heqja

Ndryshimet ndjekin të njëjtën rrugë. KREN mund ta ndryshojë ose heqë një entitet që shkel këtë dokument ose politikën, ose që përbën rrezik sigurie, duke njoftuar kontaktet e anëtarit. Anëtari mund të kërkojë heqjen në çdo kohë.